Akademik Asəf Hacıyev beynəlxalq konfransda məruzə ilə çıxış edib
09.08.2022 / Mühüm xəbərlərAkademik Asəf Hacıyev 4-5 avqust 2022-ci il tarixlərində XVI “Management Science and Engineering Management” adlı beynəlxalq konfransda “Optimal number of devices in systems with moving servers” mövzusunda plenar məruzə ilə çıxış edib.
ABŞ, Yaponiya, Portuqaliya, İspaniya, Türkiyə, Azərbaycan və digər ölkələrdən 100-ə yaxın alimin iştrak etdiyi konfransda Ümumdünya Elmlər Akademiyasının (The World Academy of Sciences) prezidenti professor Mohammed Hassan da plenar məruzə edib.
Qeyd edək ki, sözügedən konfrans Management Science and Engineering Management Beynəlxalq Cəmiyyəti, Çinin Çenqdu Universiteti və Türkiyənin Qazi Universiteti tərəfindən təşkil edilmişdir. Konfransın materialları “Şpringer” nəşriyyatında akademik Asəf Hacıyevin də redaktorluğu ilə çap olunub.