Ekoloji və özünü bərpa edən plastik yaradılıb
19.08.2022 / Maraqlı məlumatlar
Finlandiyanın Turku Universitetinin alimləri plastikdən yeni forma hazırlayıblar.
Supramolekulyar material zədədən dərhal bərpa oluna və təkrar emal edilə bilir.
Məlumdur ki, plastik tullantılar ətraf mühitdə həddindən artıq uzun müddət qalır. Səbəb monomerlər arasındakı inanılmaz dərəcədə güclü kimyəvi bağlardır. Bu hissəciklər kovalent bağlardan istifadə edərək polimerlər əmələ gətirir.
Yeni plastikin müəllifləri bildiriblər ki, onların yaratdığı material eyni zamanda ekoloji cəhətdən təmizdir. Onun hissəcikləri kovalent olmayan bağlar vasitəsilə bağlanır.
Belə plastik müxtəlif formalar ala bilir. O, həm uzanır, həm də əyilir. Plastik həmçinin zədələndikdən sonra özünü bərpa etmək qabiliyyətinə də malikdir.
