Avropa Birliyi elektron cihazlar üçün yeni kibertəhlükəsizlik qanunu təklif edib
16.09.2022 / Maraqlı məlumatlar
Avropa Birliyi yeni kibertəhlükəsizlik qanununu qəbul edə bilər. Bunun olacağı halda yeni qanun istehsalçıları internetə çıxışı olan istənilən elektron cihazı hack edilmədən qorunma ilə təmin edilməsinə məcbur edəcək. Kibertəhlükəsizik üzrə yeni qanun layihəsinin qəbulunda Avropa Komissiyası israrlıdır. Avropa Birliyinin məlumatlarına əsasən hər 11 saniyədən bir müxtəlif növ kiberhücum baş verir. 2021-ci ilin statistikasına əsasən kiberhücumların il ərzində verdikləri zərər 5.5 trilyon avro təşkil edir. Avropa Komissiyası qeyd edib ki, smartfonlar, kompüterlər, avtomobillər, məişət texnikası və hətta oyuncaqlar da daxil olmaqla milyonlarla elektron cihaz kiberhücumlara qarşı lazımi qorunma sisteminə sahib deyil.
Bu məhsulların böyük hissəsi heç bir təhlükəsizlik norması ilə nizamlanmır. Brüsseldə təqdim edilmiş kibertəhlükəsizlik aktı internetə çıxışı olan elektron cihazların pis niyyətli xarici təsirlərdən yüksək səviyyədə qorunmalarının təmin edilməsinə istiqamətlənib. Avropa Komissiyasının fikrincə bu yeni qanun layihəsi kiberhücumların sayını azaltmaqla yanaşı həmçinin istehlakçılara da faydalı olacaq. Belə ki, bu qanun layihəsi istehlakçıların məlumatlarını və konfidensiallıqlarını qoruyacaq. Avropa Birliyinin daxili bazarı üzrə komissarı olan Thiery Breton-un sözlərinə əsasən hal hazırda bir çox hardware və software məhsullarına heç bir kibertəhlükəsizlik öhdəliyi şamil olunmur.
Əgər təqdim edilmiş kibertəhlükəsizlik aktı nəticə etibarilə qəbul edilsə, istehsalçılar öz məhsullarının layihələşdirilməsi və hazırlanması zamanı kibertəhlükəsizliyi də nəzərə almalı olacaqlar. Müəssisələr öz məhsullarının bütün çalışma dövrü ərzində onların təhlükəsizlikləri barəsində məsuliyyətə sahib olacaqlar. Bu müddət 5 ildən az olmayacaq. Bazarın idarəsi ilə məşğul olan dövlət orqanları isə öz növbələrində kibertəhlükəsizlik tələblərinə uyğun olmayan məhsulların satışlarını qadağan etmə və yeni qanunlara əməl etməyən şirkətləri cərimələk imkanına sahib olacaqlar.
