İdarəetmə Sistemləri İnstitutunun əməkdaşları beynəlxalq elmi konfransda iştirak ediblər

23.09.2022 / Mühüm xəbərlər

İdarəetmə Sistemləri İnstitutunun (İSİ) Mürəkkəb dinаmik sistemlərdə idаrəetmə üsulları laboratoriyasının əməkdaşları 23-24 sentyabr 2022-ci il tarixlərində Səmərqənd Dövlət Universiteti və Özbəkistan EA-nın Romanov adına Riyaziyyat İnstitutu ilə birgə təşkil etdiyi “Riyazi analiz və onun müasir riyazi fizikaya tətbiqləri” adlı beynəlxalq elmi konfransda iştirak ediblər.

Konfransda Mürəkkəb dinаmik sistemlərdə idаrəetmə üsulları laboratoriyasının aparıcı elmi işçisi., dosent Rəşad Məstəliyev laboratoriya müdiri r.e.d., prof. Kamil Mənsimovla həmmüəllif olduqları “Funksional məhdudiyyətli kəsilməz adi stoxastik sistemlərdə optimal idarələr” mövzusunda məruzə etmişdir. Məruzə konfrans iştirakçılarının marağına səbəb olmuş, mövzu ərafında müxtəlif suallar verilmiş və müzakirələr aparılmışdır.