Süni mədəaltı vəzi sınaqdan keçirilib
30.09.2022 / Maraqlı məlumatlar
Avtomatik insulin çatdırma texnologiyasına malik bionik mədəaltı vəzinin 1-ci tip diabetli insanların qanında qlükoza səviyyəsini saxlamaqda standart insulin inyeksiyalarından daha effektiv olduğu sübut edilib.
Belə nəticəyə “New England Journal of Medicine” jurnalında klinik sınaqların yekunlarını dərc edən ABŞ alimləri gəliblər.
Avtomatlaşdırılmış insulin çatdırılma sistemləri davamlı qlükoza monitorinqindən istifadə edərək, qanda qlükoza səviyyəsini izləyir və insulin nasosundan istifadə edərək lazım olduqda bu maddəni avtomatik qana ötürür.
Bu cür mədəaltı vəzin tətbiqi zamanı barmaq çubuğu ilə qlükozanın ölçülməsi və gündəlik çoxsaylı inyeksiyalara ehtiyac qalmır. Analoji proses vəzi tərəfindən avtomatik qaydada yerinə yetirilir.
“Nemours” Uşaq Sağlamlığı və ABŞ-ın 15 digər kliniki mərkəzlərində keçirilən 13 həftəlik sınaqlara 6-79 yaş arası 326 iştirakçı, 1-ci tip diabetli və ən azı bir il insulindən istifadə edən şəxslər qatılıb.
