2022-ci ilin son Günəş tutulması olacaq

25.10.2022 / Maraqlı məlumatlar

Bu gün cari ilin son tutulma hadisəsi baş verəcək. Bu tutulma qismən Günəş tutulması olacaq.

N.Tusi adına Şamaxı Astrofizika Rəsədxanasından verilən məlumata görə, tutulma hadisəsi saat 12:58-də başlayacaq və saat 17:02-də sona çatacaq. Ümumilikdə 4 saat 4 dəqiqə davam edəcək və tutulmanın maksimumu saat 15:00-da olacaq.

Bu təbiət hadisəsi Avropanın əksər hissələrində, Afrikanın şimalında, Yaxın Şərqdə və Asiyanın qərb hissələrində, o cümlədən ölkəmizdə də müşahidə ediləcək.