Kvant hesablamalarının köməyi ilə tikililərin enerji tələb olunmadan soyudulması üsulu tapılıb
03.11.2022 / Maraqlı məlumatlar
Tədqiqatçılar kvant hesablamalarının köməyilə tikililərin vatt enerjisi tələb olunmadan soyudulması üsulunu tapıblar.
Hazırda dünyada enerji istehlakının 15%-ə qədəri binaların soyudulmasına sərf olunur.
Mühəndislər Günəşin ultrabənövşəyi və yaxın infra-qırmızı şüalarını bloklayan və istiliyi xarici mühitə ötürən pəncərə örtüyü hazırlayıblar. Texnologiya qlobal istiləşmə şəraitində enerji istehlakını azaltmağa kömək edəcək.
Bu barədə tədqiqatın müəllifləri “Amerika Kimya Cəmiyyətinin Jurnalı”nda dərc edilmiş məqalədə məlumat veriblər.
Tədqiqatçılar qeyd edirlər ki, optimallaşdırılmış örtük isti və quraqlıq şəhərlərdə soyutmaya sərf olunan enerji istehlakını adi pəncərələrlə müqayisədə, 31% azalda bilər. Örtük pəncərədən ətrafı görməyi çətinləşdirmədiyindən onu, həmçinin nəqliyyat vasitələrində istifadə etmək olar.
