İdarəetmə Sistemləri İnstitutunun həmmüəllifi olduğu layihələr qrant müsabiqəsinin qalibi olub
08.11.2022 / Mühüm xəbərlərZəfər Günü və Dünya Elm Günü ərəfəsində Azərbaycan Elm Fondu tərəfindən 19 avqust 2021- ci ildə elan edilən “Qarabağ Azərbaycandır!” adlı qrant müsabiqəsinin qalibləri açıqlanıb.
Qrant müsabiqəyə daxil olan 32 layihənin ekspertizası nəticəsində 8 layihə seçilib və onların maliyyələşdirilməsi məqsədəuyğun hesab edilib.
Müsabiqə nəticəsində İdarəetmə Sistemləri İnstitutunun həmmüəllifi olduğu 3 layihə qalib seçilib. Onlar “İşğaldan azad edilmiş ərazilərdə davamlı inkişafı və təhlükəsizlik mühitini təmin etmək üçün PUA-ların monitorinqi metodlarının təkmilləşdirilməsi”, “Süni intellekt üzrə milli standartların işlənməsi” və “İşğaldan azad olunmuş ərazilərdə kənd təsərrüfatının inkişafı üçün əşyaların interneti (IoT) İntellektual sisteminin qurulması tətbiqi” layihələridir.
Qeyd edək ki, sözügedən layihələrin icrası 24 ay müddətində nəzərdə tutulub.