NASA insanların indiyənə kimi yadplanetli həyat növü ilə qarşılaşmamalarının mümkün səbəbini açıqlayıb
14.11.2022 / Maraqlı məlumatlar
NASA alimləri yeni məqalələrində bizlərin indiyənə kimi şüurlu yadplanetli həyat növü ilə nəyə görə rastlaşmadığımızın mümkün səbəbini açıqlayıblar. Onların irəli sürmüş olduqları fərziyyəyə əasən bütün şüurlu həyat növü digər sivilizasiyalar ilə əlaqəyə keçmək üçün qəliz təkamül nöqtəsinə çatmazdan öncə özü-özünü məhv edib. Onların fikirlərinə əsasən əgər biz lazımi tədbirləri görməsək, insan sivilizasiyasını da bu cür aqibət gözləyir. “Avoiding the “Great Filter”: Extraterrestrial Life and Humanity’s Future in the Universe” adlı məqalədə qeyd edilib ki, Böyük Filtr (Great Filter) fərziyyəsinə əsasən digər sivilizasiyalar çox güman ki, mövcud olublar. Lakin onlar Yer kürəsi ilə əlaqə yaratmaq imkanına sahib olmazdan öncə özlərini məhv ediblər.
Alimlər narahatdırlar ki, insanlar kimi bütün şüurlu həyat növü dərin köklənmiş disfunksiyalara sahibdir və həmin disfunksiyalar tez bir zamanda Böyük Filtrə daxil ola bilərlər. Lakin alimlərin sözlərinə əsasən insan sivilizasiyası üçün hələ də ümid var. Bir şərtlə ki, biz özümüzü məhv etmə təhlükəsindən yan keçmək üçün lazımi tədbirləri görəcəyik. “İnsan sivilizasiyasının bu universal filtrdən yan keçməsi üçün lazım olan əsas uğur açarı ondan ibarətdir ki, insan növü özündəki destruktiv keyfiyyətləri aşkar etməli və onları öncədən aradan qaldırmalıdır” - deyə mütəxəssislərdən biri qeyd edib. Mütəxəssislərin sözlərinə əsasən insanların məhvinə gətirib çıxaracaq səbəb həmçinin digər planetlərdəki şüurlu həyat növü üçün də təhlükə mənbəyinə çevrilə bilər.
Məqalədə qeyd edilib ki, insanların və digər həyat növlərinin təsir göstərə biləcəkləri potensial səbəblər arasına nüvə müharibəsi, pandemiya, iqlim dəyişikliyi və idarə edilməyən süni zəka var. Mütəxəssislərin sözlərinə əsasən mövcud problemlər arasında ən böyüyü sağ qalmaq üçün birgə çalışmaqdır. “Tarix onu göstərdi ki, bir növ çərçivəsində fərdlərin öz aralarında rəqabətləri və əməkdaşlıqları bizləri ixtiraların yüksək zirvəsinə gətirib çıxarıb. Lakin bununla belə biz uzunmüddətli stabil yüksəlişə əks olan ideyaların yayılması ilə məşğul oluruq. Söhbət, irqçilik, soyqırım, ədalətsizlik, təxribat və s.-dən gedir” - deyə mütəxəssislər qeyd ediblər.
