Dövlət qulluğuna qəbul üzrə test imtahanının proqramında dəyişiklik edilib
22.11.2022 / Maraqlı məlumatlar
Dövlət qulluğuna qəbul məqsədilə 2023-cü ildən etibarən keçiriləcək test imtahanlarının informasiya texnologiyaları üzrə proqramında müəyyən dəyişiklik edilib: “Microsoft Office” paketinin “Office 2010” versiyası “Office 2019” versiyası ilə əvəzlənib.
Dövlət İmtahan Mərkəzindən bildirilib ki, informasiya texnologiyaları üzrə proqramla Mərkəzin saytındakı link vasitəsilə tanış olmaq mümkündür.
Namizədlərə elmi-metodik kömək məqsədilə yaxın vaxtlarda Dövlət İmtahan Mərkəzi tərəfindən çap olunacaq “İnformatika” vəsaitinin yenilənmiş nəşrinə "Office 2019" versiyasına aid müvafiq mövzular daxil edilib.
