Çin nüvə reaktoruna sahib Ay bazası inşa etməyi planlaşdırır
01.12.2022 / Maraqlı məlumatlar
Çin Ayın incələnməsi və kəşfiyyatı mövzusunda ABŞ-dan geri qalmaq niyyətində deyil. Buna görə də o, elan edib ki, 2028-ci ilə imi Ayda ilk bazasını inşa etməyi planlaşdırır. Bununla belə məlumatda qeyd edilib ki, bazanın inşası ilk çinli astronavtların Ay səthinə ayaq basacaqları vaxtdan bir neçə il əvvəl yekunlaşdırılacaq. Verilmiş məlumata əsasən Çinin Aydakı bazası böyük ehtimal ilə nüvə reaktoru hesabına enerji ilə təmin olunacaq. Çinin Aydakı bazasının final versiyası eniş modulundan, bunkerdən, orbital moduldan və Ay səthi üçün nəzərdə tutulmuş aparatdan (rover) təşkil olunacaq.
Bütün bunlar altıncı, yeddinci və səkkizinci Chang’e missiyası çərçivəsində ya yerindəcə inşa ediləcək ya da artıq hazır vəziyyətdə Aya çatdırılacaq. “Çox güman ki, bizim astronavtlarımız yaxın 10 il ərzində Aya yollana biləcəklər” - deyə Wu Weiran qeyd edib. Wu Weiran Çinin Ay kəşfiyyatı üzrə proqramının baş konstruktorudur. Son illərdə Çin müxtəlif kosmik layihələri reallaşdırmaqla məşğuldur.
Hələ bir neçə müddət bundan öncə məlum oldu ki, Çin yaxın gələcəkdə kosmik Günəş elektrostansiyasını inşa etməyi planlaşdırır. Həmin elektrostansiya vasitəsilə Yer kürəsi sakinlərini elektrik enerjisi ilə təmin etmək planlaşdırılır. Yaxın illər üçün isə Ayın incələnməsi mövzusunda ABŞ-ın əsas rəqibi məhz Çindir. Qeyd etmək lazımdır ki, NASA artıq bu onilliyin sonuna kimi öz astronavtlarını yenidən Aya göndərmək niyyətindədir. 2019-cu ildə Çin Ayın qaranlıq tərəfinə ilk tədqiqat aparatını endirmiş ölkə olmuşdu.
