İdarəetmə Sistemləri İnstitutunun laboratoriya müdiri tanınmış xarici universitetin dissertasiya şurasının üzvü seçilmişdir

08.12.2022 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunun (İSİ) Tanıma, identifikasiya və optimal qərar qəbuletmə üsulları laboratoriyasının müdiri, AMEA-nın müxbir üzvü Kamil Ayda-zadə Qazaxıstan Respublikasının Almatı şəhərində yerləşən Beynəlxalq İnformasiya Texnologiyaları Universitetinin 28 dekabr 2022-ci il tarixində keçiriləcək dissertasiya şurasının üzvü seçilmişdir.

Şurada doktorant Merembaev Timur Jumakanoviçin "6D070400 – “Kompüter elmləri və proqram təminatı” ixtisası üzrə “Texniki sistemlərin monitorinqi üçün proqram və aparat vasitələrinin işlənməsi” mövzusunda dissertasiya işinin müdafiəsi keçiriləcəkdir.