İdarəetmə Sistemləri İnstitutunun əməkdaşları respublika elmi konfransında iştrak ediblər

19.12.2022 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunun (İSİ) Mürəkkəb dinаmik sistemlərdə idаrəetmə üsulları laboratoriyasının müdiri, prof. Kamil Mənsimov və laboratoriyanın aparıcı elmi işçisi dos. Rəşad Məstəliyev 2022-ci il 15-16 dekabr   tarixlərində Elm və Təhsil Nazirliyi və Sumqayıt Dövlət Universitetinin təşkilatçılığı ilə keçirilən “Riyaziyyatın fundamental problemləri və intellektual texnologiyaların təhsildə tətbiqi” II Respublika elmi konfransında  iştirak ediblər. K.Mənsimov, həmçinin konfransın proqram komitəsinin üzvü olmuşdur.

Qeyd edək ki, konfrans Zoom platforması üzərindən onlayn formada keçirilib. R.Məstəliyev “Diferensial tənliklər, modelləşdirmə, optimallaşdirma və optimal idarəetmə məsələləri” seksiyasında K.Mənsimovla həmmüəllif olduğu “Gecikməyə malik və hamar olmayan keyfiyyət meyarlı stoxastik sistemlərdə optimallıq üçün zəruri şərtlər” adlı  mövzuda məruzə edib. Məruzə konfrans iştirakçılarının marağına səbəb olub, mövzu ərafında müzakirələr aparılıb.