AMEA-nın müxbir üzvü, professor Əminağa Sadıqovun 60 illik yubileyi Dövlət İdarəçilik Akademiyasında qeyd olunub

22.12.2022 / Mühüm xəbərlər

21 dekabr 2022-ci il tarixində Azərbaycan Respublikasının Prezidenti yanında Dövlət İdarəçilik Akademiyasının (DİA) nəzdində fəaliyyət göstərən Dissertasiya Şurasının iclasında DİA-nın rektoru, akademik Urxan Ələkbərov AR Elm və Təhsil Nazirliyi İdarəetmə Sistemləri İnstitutunun (İSİ) icraçı direktoru, AMEA-nın müxbir üzvü, professor Əminağa Sadıqovu 60 illik yubileyi münasibətilə akademiyanın kollektivi adından təbrik edib. O, Ə.Sadıqovun DİA-da Dövlət Attestasiya Komissiyasının sədri, Dissertasiya şurasının üzvü və həmin şuranın nəzdində “Davamlı inkişafın idarə edilməsi” ixtisası üzrə daimi fəaliyyət göstərən elmi seminarın sədri kimi fəaliyyətini yüksək qiymətləndirib.

Rektor Ə.Sadıqovun Azərbaycan Milli Elmlər Akademiyasının Rəyasət Heyətində uzunmüddətli səmərəli fəaliyyətinə toxunaraq onun ölkəmizdə elm siyasətinin formalaşdırılmasında və həyata keçirilməsində fəal iştirak etdiyini, yüksək ixtisaslı elmi kadrların hazırlanmasında müstəsna rol oynadığını bildirib.  

U.Ələkbərov, həmçinin Azərbaycan Respublikasının Prezidenti yanında Dövlət İdarəçilik Akademiyasının Təşəkkürnaməsini və xatirə hədiyyəsini Ə.Sadıqova təqdim edib.