Türkiyəli alim 15 dəqiqə ərzində 40-a yaxın xəstəliyə diaqnoz qoyan biosensor hazırlayıb
10.01.2023 / Maraqlı məlumatlarGaziantep Həsən Kalyoncu Universitetinin Sağlamlıq Elmləri fakültəsinin müəllimi, professor Mehmet Lütfi Yola 40-a yaxın xəstəliyin erkən diaqnozu üçün maksimum 15 dəqiqə ərzində sürətli məlumat verən ekoloji cəhətdən təmiz biosensor hazırlayıb.
Türkiyə Prezidenti Rəcəb Tayyib Ərdoğan tərəfindən infarkt və ağciyər xərçəngi riskini dərhal proqnozlaşdırıla bilən, insan sağlamlığına və ətraf mühitə zərərsiz olan biosensor hazırladığı üçün “TÜBİTAK 2022 Təşviq Mükafatı” alan Mehmet Lütfi Yola, qısa müddətdə müxtəlif xəstəliklərin diaqnozuna imkan verən yeni sensorlar ərsəyə gətirib.
Türkiyəli professor ekoloji materiallardan istifadə edərək hazırladığı biosensorların patentini almaq üçün Türkiyə Patent və Ticarət Nişanı İdarəsinə müraciət edib və xəstəxanalardakı tətbiqlərdə uğurlu nəticələr əldə edib.
Təxminən 10 ildir biosensorlar üzərində çalışdıqlarını bildirən Mehmet Lütfi Yola biosensorların qan, sidik və bədən mayesini nano səviyyədə ölçərək xəstəlikləri daha qısa müddətdə təsbit edə biləcəyini açıqlayıb:
“Biz əvvəlcə müəyyən analitik üsullardan istifadə edərək biosensorun dizaynını həyata keçiririk. Sonra bu sistemləri mümkün qədər vacib xəstəliklərin diaqnozu üçün hazırlayırıq. Bunlardan biri də infarktdır. Bunun üçün troponin sensorları hazırlamışıq. Daha sonra biz ağciyər xərçəngində istifadə edilə bilən elektron kimyəvi biosensor hazırladıq.Son illərdə müxtəlif xərçəng növləri üzrə döş xərçəngi, mədəaltı vəzi xərçəngi kimi mühüm xəstəliklər üçün biosensorlar hazırlayıb dizayn etdik”.