Keçən il 246 nəfərə elmi dərəcə verilməsindən imtina edilib
17.01.2023 / Maraqlı məlumatlar
Ötən il ərzində 246 nəfərə elmi dərəcə verilməsindən imtina edilib.
Bu barədə Azərbaycan Respublikasının Prezidenti yanında Ali Attestasiya Komissiyasından bildirilib.
Bundan başqa, keçən il müddətində 432 nəfərə fəlsəfə doktoru, 84 nəfərə elmlər doktoru dərəcəsi verilib.
Həmin müddətdə fəlsəfə doktoru elmi dərəcəsi almaq istəyən 222 nəfərə, elmlər doktoru elmi dərəcəsi almaq istəyən 24 nəfərə isə imtina cavabı gəlib.
Bundan başqa, 2022-ci ildə 200 nəfərə dosent, 28 nəfərə professor elmi adı verilib. Dosent elmi adı almaq istəyən 29 nəfərə, professor elmi adı almaq istəyən 7 nəfərə imtina verilib.
