Nəqliyyat və logistikada modelləşmə və optimallaşdırma adlı VII beynəlxalq elmi konfrans keçirilmişdir

27.01.2023 / Mühüm xəbərlər

21-25 mart 2022-ci il tarixlərində Azərbaycan Respublikası Elm və Təhsil Nazirliyi İdarəetmə Sistemləri İnstitutu (İSİ), Ukrayna Milli Elmlər Akademiyası və  Moldovanın Riyaziyyat və İnformatika İnstitutunun təşkilatçılığı ilə akademik Naum Zuseleviç Şorun anadan olmasının 85 illiyinə həsr olunmuş “Nəqliyyat və logistikada modelləşmə və optimallaşdırma” adlı VII beynəlxalq elmi konfrans onlayn formatda keçirilmişdir.

Qeyd edək ki, İSİ-nin Tanıma, identifikasiya və optimal qərar qəbuletmə üsulları laboratoriyasının müdiri, AMEA-nın müxbir üzvü, professor Kamil Aydazadə konfransın təşkilat komitəsin üzvü seçilmişdir. Tədbirin əsas məqsədi müxtəlif elmi tədqiqat müəssisələrində çalışan alim və mütəxəssisləri bir araya gətirərək elmi və praktiki problemləri müzakirə etmək olmuşdur.