İdarəetmə Sistemləri İnstitutunda magistrantların qış imtahan sessiyası başa çatmışdır

31.01.2023 / Mühüm xəbərlər

Azərbaycan Milli Elmlər Akademiyası Prezidentinin 21 dekabr 2022-ci il tarixli 650 №-li sərəncamına əsasən, 2023-cü il yanvar ayının 5-dən fevral ayının 2-dək magistrantların 2022/2023-cü tədris ili üzrə qış imtahan sessiyası keçirilir.

İdarəetmə Sistemləri İnstitutunda sessiya ərzində “Kompüter elmləri” və “Proseslərin avtomatlaşdırılması mühəndisliyi” ixtisasları üzrə I kursda təhsil alan 6 magistrant 5 imtahanda, II kursda təhsil alan 7 magistrant isə ümumilikdə 10 imtahanda iştirak etmişdir.

31 yanvar 2023-ci il tarixində qış imtahan sessiyasının son imtahanı I kurs magistrantlar üçün keçirilmişdir. “Kompüter elmləri” ixtisası üzrə təhsil alan magistrantlar fənn müəllimi, texnika elmləri doktoru, dosent Fəhrad Paşayevin tədris etdiyi “İdarəetmədə paylanmış informasiya sistemləri” fənnindən imtahanda iştirak ediblər.

Bununla da İdarəetmə Sistemləri İnstitutunda 2022/2023-cü tədris ilinin qış imtahan sessiyası uğurla başa çatmışdır.