16 dekabr 2014-cü il Azərbaycan Dövlət Neft və Sənaye Universitetində Erasmus+ Azərbaycan İnfo Günündə İdarəetmə Sistemləri İnstitutunun "Xarici əlaqələr və innovasiya” şöbəsinin müdüri, Azərbaycanda AB-nin HORİZON 2020 İCT və FET üzrə milli təmsilçisi  T. Babayev  HORİZON 2020  "Gənc  tədqiqatçılarının AB-nin Elmi Tədqiqat və İnnovasiya layihələrində iştirak etmək imkanları” mövzusunda çıxış etmişdir. İnfo gündə  respublika universitetlərinin 60-dan çox nümayəndəsi, dövlət təşkilatları, vətəndaş cəmiyyətləri və digər Tempus iştrakçıları, Azərbaycan Respublikasının Təhsil Nazirliyinin şöbə müdiri Sulhəddin Gözəlov, Təhsil, Audiovizual və Mədəniyyət üzrə Avropa Komissiyasının İcraçı Agentliyinin nümayəndəsi xanım Karolina Qarbalauskayte, Köln Tətbiqi Elmlər Universitetinin professoru  Reza Talebi-Daryani (Cologne University of Applied Sciences), ADNSU-nun rektoru, prof. M. Babanlı iştrak etmişdilər.

Е, Babaev çıxışının  birinci hissəsində AB-nin elmi-tədqiqat və texnologi inkşaf çərçivə programlarının 1984-ci ildən bu günə kimi tarixi və məqsədləri barədə məlumat verilmişdir. İkinci hissədə dinləyicilər HORİZON 2020 programının strukturu, əsas məqsədləri və  istiqamətləri barədə ətraflı məlumat almışlar. Üçüncü hissə alim və tədqiqatçıların HORİZON 2020 proqramında iştrak etmək imkanlarına həsr edilmişdi: layihə mövzuları və elan olunan tenderlərin axtarışı, konsortiumların yaradılması, layihə təkliflərin hazırlanması və qiymətləndirilməsi və s.
Xüsusi ilə qeyd edilmişdir ki, gənc alimlərin ERAZMUS+ layihələrindəki iştirakı onların HORİZON2020 layihələrində müvəffəqiyyətli iştirakı üçün yol açır.
Çıxışdan sonra geniş müzakirələr aparılmış və T. Babayev iştrakçıların  çox saylı suallarını cavablandırmışdı.