Ali təhsil müəssisələrində təhsil alan tələbələr İdarəetmə Sistemləri İnstitutunda istehsalat və elmi tədqiqat təcrübəsi keçirlər

15.03.2023 / Mühüm xəbərlər

Elm və Təhsil Nazirliyinin İdarəetmə Sistemləri İnstitutu ilə Respublikanın ali təhsil müəssisələri arasında kadr hazırlığı sahəsindəki əməkdaşlıq çərçivəsində 16 fevral 2023-cü il tarixindən başlayaraq bakalavr və magistr səviyyəsi üzrə təhsil alan tələbələr institutda istehsalat və elmi tədqiqat təcrübəsi keçirlər.

Azərbaycan Dövlət İqtisad Universitetinin 17 bakalavrı, Azərbaycan Universitetinin 13 bakalavrı, Azərbaycan Dövlət Neft və Sənaye Universitetinin 1 bakalavrı, Azərbaycan Memarlıq və İnşaat Universitetinin 38 bakalavrı və 28 magistrantı, Azərbaycan Texniki Universitetinin 9 magistrantı, Bakı Mühəndislik Universitetinin 5 magistrantı və Odlar Yurdu Kollecinin 1 tələbəsi olmaqla ümumilikdə 112 tələbə ixtisaslarına uyğun olaraq institutun müvafiq laboratoriyalarında təyin olunmuş cədvəl üzrə istehsalat və elmi tədqiqat təcrübəsi keçirlər.

Təcrübə müddətində tələbələr institutda aparılan elmi tədqiqat işləri ilə yaxından tanış olur, əldə olunan elmi nailiyyətlər haqqında ətraflı məlumatlandırılır, təcrübə rəhbərləri tərəfindən onlara verilən tapşırıqları yerinə yetirir, təhsil müddətində əldə etdikləri nəzəri biliklərini təcrübədə tətbiq edərək öz tədqiqatçılıq bacarıqlarını daha da təkmilləşdirirlər.