Yenilənmiş Bing axtarış sistemi daxilində olan süni zəka əsaslı çat-bot hamı üçün istifadəyə verilib
17.03.2023 / Maraqlı məlumatlar
Microsoft şirkəti Bing axtarış sisteminə OpenAI şirkətinin GPT-4 dil modeli əsasında hazırlanmış süni zəka əsaslı çat-botu əlavə edəndən sonra o, son 10 ildə ilk dəfə diqqət mərkəzinə düşdü. İlk növbədə Microsoft Bing daxilindəki çat-botu yalnız məhdud sayda istifadəçilər üçün aktivləşdirmişdi. İndi isə məlum olub ki, yenilənmiş Bing axtarış sistemi daxilində olan süni zəka əsaslı çat-bot hamı üçün aktiv olub və ondan istifadə etmək üçün uzun müddət ərzində gözləməyə ehtiyac qalmayacaq.
Bing daxilindəki çat-botdan faydalanmaq üçün ilk növbədə Edge brauzerində Bing.com saytına daxil olmaq lazımdır. Bing.com saytının yuxarı sol hissəsində çat bölməsi mövcuddur. İstifadəçi ona klikləməklə çat-botu işə sala bilər. Maraqlısı ondadır ki, Bing daxilindəki çat-botdan faydalanmaq istəyən zaman istifadəçiyə hələ də “Gözləmə siyahısına qoşulma” təklifi təqdim edilir. Lakin buna baxmayaraq həmin təklifə klikləyəndən sonra istifadəçi çat-botdan istifadə edə bilər. Lakin bu məsələdə bir nüans var. Belə ki, çat-botdan faydalanmaq üçün istənilən halda Microsoft istifadəçi hesabına daxil olmaq lazım gələcək.
