Azərbaycan Memarlıq və İnşaat Universitetində “Karyera Sərgisi” keçiriləcək

17.03.2023 / Maraqlı məlumatlar

Tələbələrin məşğulluğunu artırmaq məqsədilə Azərbaycan Memarlıq və İnşaat Universitetində 4 aprel 2023-cü il tarixində saat 10:00-da  “Karyera Sərgisi” keçiriləcək. Hər il AzMİU-da təşkil olunan karyera sərgisində 100-ə yaxın dövlət qurumları, özəl şirkətlər, müəssisələr iştirak edir, tələbə və məzunlara müxtəlif vakansiyalar və təcrübə proqramları təklif edilir.

Karyera sərgisinin keçiriləcəyi məkanda dəvət edilən müəssisə və təşkilatların hər birinə ayrıca guşənin ayrılması nəzərdə tutulub. Nümayəndələr roll-up, broşurlar, tələbə və məzunlara təklif ediləcək vakansiyalar, digər normativ məhsullarla iştirak edə bilər.