Marsda tarixi anlar – NASA yeni görüntülər paylaşdı
18.04.2023 / Maraqlı məlumatlar
ABŞ-ın Milli Kosmik və Aviasiya Agentliyinin (NASA) məlumatına görə, “İngenuity” helikopteri bu yaxınlarda Marsda 50-ci uçuşunu həyata keçirib.
Marsa göndərilən kiçik helikopter aprelin 13-də 1057,09 fut (322,2 metr) məsafəni 145,7 saniyəyə qət etməyi bacarıb.
NASA-dan bildirilib ki, bu, sadə bir uğur kimi görünsə də, əslində bəşəriyyət 2021-ci ilə qədər başqa bir planetdə motorlu nəqliyyat vasitəsinin uçuşunu gerçəkləşdirə bilməyib.
NASA “İngenuity”-nin 47-ci uçuşuna dair görüntüləri də yayımlayıb.
