Akademik Əli Abbasovun Ramazan bayramı münasibətilə təbriki
20.04.2023 / Mühüm xəbərlərHörmətli həmkarlar!
Sizi müqəddəs Ramazan bayramı münasibətilə səmimi qəlbdən təbrik edir, ən xoş arzu və diləklərimi çatdırıram!
Ramazan ayı insanları gözəl niyyətlər və xeyirxah əməllər naminə birliyə çağırır, əmin-amanlıq, qardaşlıq və bərabərlik yoluna dəvət edir. İnsanların qəlbini və ruhunu ilahi hikmətlə nurlandıran Ramazan bayramı cəmiyyətimizdə milli-mənəvi həmrəyliy, humanizm, şəfqət və mərhəmət duyğularını nümayiş etdirir.
Bu əziz gündə Sizə və əzizlərinizə möhkəm cansağlığı, xoşbəxtlik, süfrənizə ruzi-bərəkət, elm və təhsilin inkişafı naminə fəaliyyətinizdə yeni uğurlar arzulayıram!
Tanrı xalqımızı və dövlətimizi qorusun, yurdumuzda həmişə sülh və əminamanlıq olsun!
Hörmətlə,
akademik Əli Abbasov