İdarəetmə Sistemləri İnstitutunun magistrantı konfransda sertifikata layiq görülüb

20.04.2023 / Xəbərlər

Azərbaycan Respublikası Elm və Təhsil Nazirliyinin İdarəetmə Sistemləri İnstitutunun “Kompüter elmləri” ixtisası üzrə I kurs magistrantı Gülnar Asəf qızı Yusifova 19 aprel 2023-cü il tarixində Qərbi Kaspi Universitetinin təşkilatçılığı ilə keçirilən Ümummilli lider Heydər Əlirza oğlu Əliyevin anadan olmasının 100 illik yubileyinə həsr olunmuş “Mühəndislikdə riyazi metodlar və mexatronik sistemlər” mövzusunda Beynəlxalq elmi-praktik konfransda iştirak etmişdir. O, elmi rəhbəri, t.e.d. Fəhrad Paşayevlə həmmüəllifi olduğu “Micropc tipli controllerdə taymerin inisalizasiya və kəsilmələrin işlənməsi alt proqramlarının yaradıması” adlı məruzə ilə çıxış etmişdir. Konfransda iştirakına görə Gülnar Yusifova sertifikata layiq görülmüşdür.