'Böyük yeddilik' ölkələri süni zəka texnologiyasının nizamlanması razılığına gəliblər
02.05.2023 / Maraqlı məlumatlar
“Böyük yeddilik” (G7) ölkələrinin rəqəmsal texnologiyalar üzrə nazirləri razılığa gəliblər ki, onların ölkələri süni zəka texnologiyasının nizamlanmasını qəbul etməlidirlər. Eyni zamanda Avropa qanunvericiləri tez zamanda süni zəka barəsində qanununu təsdiqləməyə tələsirlər. Qəbul edilməsi planlaşdırılan qanun ChatGPT kimi sistemlər tərəfindən müvafiq qaydalara riayət edilməsinin təmin olunmasına hədəflənib. Məlumatda qeyd edilib ki, nizamlanma həmçinin süni zəka əsaslı texnologiyaların inkişafları üçün açıq və əlverişli mühiti qoruyub saxlamalı və eyni zamanda demokratik dəyərlərə əsaslanmalıdır.
Nazirlər etibarlı süni zəka baxışının formalaşması üçün istifadə edilə biləcək siyasi alətlərin G7 üzvlüyünə sahib müxtəlif ölkələrdə fərqləndiklərini etiraf etsələr də, əldə edilmiş bu razılaşma böyük ölkələrin konfidensiallıq problemləri və təhlükəsizlik riskləri fonunda süni zəka texnologiyasını necə nizamlayacaqlarını göstərən dövrün başlanğıcı hesab edilir. Nizamlayıcıların diqqətlərini ən çox çəkən sistemlər arasında isə ChatGPT kimi generativ süni zəka texnologiyalarıdır. G7 ölkələrinin nümayəndələri generativ süni zəka sistemləri mövzusunda gələcək müzakirələr aparmağı planlaşdırırlar.
