Windows 11-dəki Photos tətbiqi yeni funksiyalar əldə edib
08.05.2023 / Maraqlı məlumatlar
Microsoft tərtibatçıları Windows 11-də olan Photos tətbiqini təkmilləşdirməyə davam edirlər. Bu dəfə sözügedən tətbiq fotolardakı qüsurları aradan qaldırmaq alətini və fotolardan slide show-ların yaradılması funksiyasını əldə edib. Hal hazırda bu yeni funksiyalar Windows 11-in beta versiyasının istifadəçiləri üçün aktivdir. Beləliklə Photos tətbiqinin yeni versiyası fotolardan animasiyalı keçidlərə sahib slide-showların yaradılmasını mümkün edir. İstifadəçi öz istəyinə uyğun olaraq slide-show-lara musiqi də əlavə edə bilər. Bundan əlavə olaraq Photos-da Spot Fix adlı alət istifadəyə verilib. Bu alət vasitəsilə fotolardan ləkələri və arzuolunmaz hissələri aradan qaldırmaq olar. Sözügedən yeni funksiyaların növbəti aylar ərzində Windows 11-in stabil versiyasında çalışan Photos tətbiqində istifadəyə verilməsi gözlənilir.
