Microsoft Windows 10-un 20H2 versiyasının dəstəyini tamamilə dayandırıb
15.05.2023 / Maraqlı məlumatlar
Microsoft şirkəti Windows 10-un 20H2 versiyasının dəstəyini tamamilə dayandırıb. Qeyd etmək lazımdır ki, əməliyyat sisteminin 20H2 versiyası 2020-ci ilin payız fəslində istifadəyə verilmişdi. Windows 20H2-nin istifadəçilər üçün nəzərdə tutulmuş versiyaları 18 ay ərzində müxtəlif yenilənmələr əldə ediblər. Keçən ilin may ayında Microsoft Windows 20H2-nin Home və Pro versiyalarının dəstəklərini dayandırmışdı. Enterprise, Education və IoT Enterprise versiyalarının dəstəkləri isə əlavə 1 il də davam ediblər. Windows 20H2-nin dəstəyinin dayandırılması əməliyyat sisteminin bu versiyasının daha təhlükəsizlik yenilənmələrini və digər yenilikləri əldə etməyəcəyi deməkdir. Şirkət istifadəçilərə Windows 10-un daha yeni versiyalarına keçid etməyi məsləhət görüb.
