XƏBƏRDARLIQ: “Google” qeyri-aktiv hesabları siləcək
17.05.2023 / Maraqlı məlumatlar
“Google” istifadəçi bazasını qorumaq üçün qeyri-aktiv hesabları siləcəyini açıqlayıb.
Bu ilin dekabrından başlayaraq iki il ərzində istifadə olunmayan hesablar “Google Workspace”, “YouTube” və “Google Fotolar” kimi xidmətlərdə saxlanılan məzmunla birlikdə serverlərdən silinəcək.
“Google”un qeyri-aktiv hesabları silmək qərarı təhlükəsizlik zəiflikləri yaradan tərk edilmiş hesablarla bağlı narahatlıqlardan irəli gəlir. Aktiv olmayan hesabların ikifaktorlu təsdiqləmə kimi əsas təhlükəsizlik xüsusiyyətlərinin olmadığı və buna görə də "ən azı 10 dəfə" daha çox risk altında olduğu düşünülür. “Google”un açıqlamasına görə, bu hesabların oğurlanması çox təhlükəli nəticələrə səbəb ola bilər. Bunlara şəxsiyyət oğurluğu, spam e-poçt mübadiləsi və zərərli məzmunun yayılması kimi müxtəlif zərərli fəaliyyətlər daxildir.
