Windows 11-də aksesuarların RGB işıqlandırmalarının idarəsi funksiyası istifadəyə veriləcək
26.05.2023 / Maraqlı məlumatlar
Microsoft şirkəti Windows 11-in imkanlarını yeni funksiyalar vasitəsilə genişləndirməyə davam edir. Əməliyyat sistemində istifadəyə veriləcək növbəti yeni funksiya kompüterə qoşulan müxtəlif aksesuarlardakı dinamik RGB işıqlandırmanın idarəsini mümkün edəcək. Sözügedən funksiya Dynamic Lighting adını əldə edib və istifadəçinin hər bir kompüter komponenti üçün ayrıca proqram təminatını quraşdırmaq prosesini aradan qaldıraraq bir növ hub rolunda çıxış edəcək. Bu yeni funksiya hələ test mərhələsindədir və Windows 11-in bəzi beta versiyalarında aktivləşdirilib. Bəzi beta versiyalarda funksiya Ambient Lightning adını əldə edib. Bu yeni funksiyanın stabil Windows 11-də nə zaman istifadəyə veriləcəyi bilinmir.
