İdarəetmə Sistemləri İnstitutunun əməkdaşı nüfuzlu mükafatlara layiq görülüb

31.05.2023 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunun əməkdaşı, İstanbul Texniki Universitetinin professoru Elmxan Mahmudov nüfuzlu mükafatlara layiq görülüb.

E.Mahmudov 2020-2022-ci illərdə “dərc etdiyi məqalələrin, istinadların, dərs kreditlərinin və müdafiə etmiş aspirantların sayı, layihələrin və büdcəsinin miqdarı, icra olunan inzibati vəzifələr” nəzərə alınmaqla aparılan qiymətləndirmə nəticəsində yüksək müvəffəqiyyətlərinə görə İstanbul Texniki Universiteti tərəfindən “Akademik Performans Ödülü” mükafatına layiq görülüb. Alim bununla yanaşı, 2022-ci ildə universitetdə ən çox məqalə dərc edən elm adamı olaraq “2022 Yılı Yayın Ödülü” mükafatını qazanıb.

Qeyd edək ki, E.Mahmudov bu mükafatlara ilk dəfə 2021-ci ildə layiq görülüb.