İdarəetmə Sistemləri İnstitutunda magistrantların yay imtahan sessiyası başlamışdır

02.06.2023 / Mühüm xəbərlər

Magistrantların 2022/2023-cü tədris ili üzrə yay imtahan sessiyası 2023-cü il iyun ayının 1-dən iyul ayının 5-dək keçiriləcəkdir.

İdarəetmə Sistemləri İnstitutunda yay imtahan sessiyası ərzində “Kömpüter elmləri” ixtisası üzrə təhsil alan 5 nəfər I kurs magistrantı imtahanlarda iştirak edəcəkdir.

İlk imtahan 01 iyun 2023-cü il tarixində keçirilmişdir. Magistrantlar fənn müəllimi – texnika elmləri doktoru, professor Allahverdi Həsənovun tədris etdiyi “İdarəetmə obyektlərinin və sistemlərinin riyazi modelləşdirilməsi” fənnindən imtahanda iştirak ediblər.

İmtahanda İnstitutun Təhsil şöbəsinin müdiri, riyaziyyat üzrə fəlsəfə doktoru Sevinc Quliyeva və Şöbənin əməkdaşı Təranə Gülmaliyeva da iştirak ediblər.

Yay imtahan sessiyası ərzində keçiriləcək növbəti imtahanlar 16, 23 iyun və 03 iyul 2023-cü il tarixlərinə təyin olunmuşdur.