İSİ-nin icraçı direktoru dissertasiya işlərinin qiymətləndirilməsində iştirak edib

19.06.2023 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunun icraçı direktoru, AMEA-nın müxbir üzvü, professor Əminağa Sadıqov Bakı Ali Neft Məktəbində “İnformasiya təhlükəsizliyi”, “Proseslərin avtomatlaşdırılması mühəndisliyi” və “Texniki sistemlərdə informatika və idarəetmə” ixtisasları üzrə Dövlət Attestasiya Komissiyasının sədri kimi 69 tələbə və magistrantın buraxılış və dissertasiya işlərinin dinlənilməsi və qiymətləndirilməsində iştirak edib.

BANM-da inkişaf etmiş və yüksək tələblərə cavab verən mütəxəssis yetişdirilməsinə istiqamətlənən nümunəvi təhsil mühitindən bəhs edən alim gənclərin ölkənin mühüm elmi və elmi-texnoloji məsələlələrinin həllinə cəlb edilməsinin önəmini vurğulayıb. Ali məktəbin rəhbərliyinə təşəkkürünü bildirən Ə.Sadıqov gənclərə böyük elmi nailiyyətlər arzulayıb.