İdarəetmə Sistemləri İnstitutunda magistrantların attestasiyası keçirilib

13.07.2023 / Mühüm xəbərlər

10 iyul 2023-cü il tarixində AR Elm və Təhsil Nazirliyi İdarəetmə Sistemləri İnstitutunda (İSİ) “Kompüter elmləri” ixtisası üzrə təhsil alan I kurs magistrantların attestasiyası keçirilmişdir.

Attestasiya komissiyasının iclası İSİ-nin icraçı direktoru, AMEA-nın müxbir üzvü Əminağa Sadıqovun sədrliyi ilə keçirilimişdir. O, iclası açıq elan etdikdən sonra iclas iştirakçılarını Attestasiya komissiyasının tərkibi ilə tanış etmişdir.

Sonra söz növbə ilə magistrantlara verilmişdir. Magistrantlar öz dissertasiya işlərinə dair fərdi iş planlarında nəzərdə tutulan elmi-tədqiqat işlərinin yerinə yetirilməsinin gedişatı, konfranslarda iştirak, elmi işlərin dərc olunması haqqında məlumat veriblər.

Daha sonra hər bir magistrantın gördüyü işlər ətrafında geniş müzakirələr aparılmış, Komissiya üzvlərinin sualları cavablandırılmış, onların çıxış və tövsiyələri dinlənilmişdir.

Yekunda Attestasiya komissiyası magistrantların attestasiya olunaraq I kursu tam bitirmələri və II kursa keçirilmələri barədə qərar qəbul etmişdir.