Google Gboard-a süni zəka vasitəsilə qrammatik səhvlərin düzəldilməsi funksiyası əlavə edilib
11.09.2023 / Maraqlı məlumatlar
Google şirkətinin Gboard adlı virtual klaviaturasının yeni beta versiyası istifadəyə verilib. İstifadəyə verilmiş beta versiyada Gboard yeni funksiya əldə edib. Söhbət, qrammatik səhvlərin süni zəka vasitəsilə aradan qaldırılması funksiyasından gedir. Yeni funksiya virtual klaviaturaya avtomatik və ya istifadəçinin düyməyə klikləməsi ilə bu və ya digər mətndəki səhvləri düzəltməyə imkan verir. Google xəbərdarlıq edib ki, bu funksiya bulud sistemdə çalışır və nəticədə istifadəçinin yazmış olduğu hər şey qrammatik səhvlərin aradan qaldırılması istiqamətində Google serverlərinə göndəriləcək. Sözügedən yeni funksiya Gboard-un 13.4 nömrəli beta versiyasında aktivdir.
