OpenAI şirkəti tərtibatçılar üçün nəzərdə tutulmuş ilk konfransını anons edib
11.09.2023 / Maraqlı məlumatlar
OpenAI şirkəti tərtibatçılar üçün nəzərdə tutulmuş OpenAI DevDay adlı ilk konfransını anons edib. Sözügedən konfrans 6 noyabr tarixində San-Fransiskoda baş tutacaq. Şirkətin rəsmi məlumatına əsasən baş tutacaq konfrans yalnız bir gün ərzində davam edəcək. Planlaşdırılan bu konfrans bütün dünyadan olan yüzlərlə tərtibatçını OpenAI komandası ilə bir araya gətirməlidir. Konfrans həmçinin online formatda da təqdim ediləcək. Gözləntilərə əsasən konfrans çərçivəsində OpenAI süni zəka ilə bağlı yeni məhsullarını və alətlərini təqdim edəcək. Bununla yanaşı konfransda iştirak edəcək tərtibatçılar öz aralarında və OpenAI komandasının üzvləri arasında fikir mübadiləsi apara biləcəklər.
