Alimlərin kəşfi yeni nəsil antiseptiklərin yaradılmasına imkan verəcək
18.09.2023 / Maraqlı məlumatlar
Alimlər mikrobların müqavimət göstərməyəcəyi daha effektiv antiseptiklər yaratmağa kömək edəcək birləşmələr kəşf ediblər.
Tədqiqatçılar bu gün məlum olan bütün agentlərdən daha yüksək antimikrobiyal aktivliyə malik maddələr aşkar ediblər. Onların mürəkkəb adı var - multikatyonlu dördüncü ammonium birləşmələri.
Tədqiqatlar göstərib ki, həmin birləşmələr mikroorqanizmlərin istinad və klinik ştamlarına qarşı yüksək aktivlik nümayiş etdirir. Onlar patogenlərdə müqavimətin əhəmiyyətli dərəcədə inkişafı olmadan uzunmüddətli təsir göstərir, həmçinin bəzi bakteriya və göbələklərin biofilmlərini məhv etmək qabiliyyətinə malikdirlər.
Kəşf həmin birləşmələrin antibakterial fəaliyyəti ilə onların strukturu arasındakı əlaqəni daha dərindən başa düşməyə imkan verəcək.
