İdarəetmə Sistemləri İnstitutunun Elmi şurasının cari il üzrə hesabat iclasları keçirilir

15.11.2023 / Elmi şuranın iclasları

15 noyabr 2023-cü il tarixində İdarəetmə Sistemləri İnstitutunun (İSİ) Elmi şurasının iclasında bir sıra laboratoriyalarının cari il üzrə hesabatları dinlənilib. Tədbirdə institutun rəhbərliyi, şura üzvləri, şöbə və laboratoriya müdirləri tam heyətdə iştirak ediblər.

İclasda Fövqəladə hallarda idarəetmə laboratoriyası, Kütləvi xidmət və ehtiyatların idarə edilməsi sistemlərinin modelləşdirilməsi laboratoriyası, Dinamik sistemlərin kompüter modelləşdirilməsi laboratoriyası, İntellektual informasiya-ölçmə sistemləri laboratoriyası və Biliklərin intellektual analizi laboratoriyasının 2023-cü il üzrə hesabatları dinlənilib. 

Sonda dinlənilən hesabatlarla bağlı geniş müzakirə aparıldı, açıq səsvermə keçirilərək hesabatlar müsbət qiymətləndirildi.