Windows 11-də Windows 10-un Taskbar-nın istifadəsi imkanı ləğv ediləcək
04.12.2023 / Maraqlı məlumatlar
İnsayderlər Windows 11-in test versiyasında vacib bir dəyişikliyi aşkar ediblər. Məsələ burasındadır ki, Windows 11-də Windows 10-un klassik Start düyməsi və Taskbar bölməsini istifadə edən istifadəçilər Windows 11-in bu cür fərdiləşdirilməsindən (customization) imtina etməli olacaqlar. Nəticədə istifadəçilər aktual olan Windows 11-dəki Start düyməsi ilə Taskbar bölməsinə öyrəşməli olacaqlar. Windows 11-in test versiyası əməliyyat sistemində Windows 10-un Taskbar bölməsinin hətta StartAllBack və ExplorerPatcher kimi tətbiqlər vasitəsilə istifadəsini də qadağan edir. DisableWin10Taskbar adlı funksiya Windows 10 Taskbar-nın avtomatik olaraq Windows 11-də bloklanmasını təmin edir. Gözləntilərə əsasən bu dəyişiklik Windows 11-in stabil versiyasında yaxın zamanlarda təqdim ediləcək yenilənmə ilə işə düşəcək.
