Youtube-da real zaman ərzində yenilənən bəyənmə və baxış sayğacları istifadəyə veriləcək
08.12.2023 / Maraqlı məlumatlar
Youtube istifadəçilərə və kontent yaradıcılarına mütəmadi şəkildə yeni funksiyaları təqdim edir. Videoservisin əldə edəcəyi yeni funksiyalardan biri da real zaman ərzində yenilənən bəyənmə və baxış sayğacları olacaq. Bəyənmə və baxış sayları bu və ya digər video kontentin Youtube-da məşhurluq səviyyəsini təyin edən faktorlardır. Hal hazırda Youtube-da olan bu sayğaclar real zaman ərzində deyil, videonun olduğu səhifənin yenilənməsi halında yenilənirlər. Youtube öz növbəsində bunu dəyişmək qərarına gəlib. Bundan sonra bəyənmə və baxış sayğacları real zaman ərzində yenilənəcəklər. Videoservis sözügedən yeniliyin necə çalışdığı və onun Youtube tətbiqinə nə zaman inteqrasiya ediləcəyi barəsində məlumat verməyib. Bəzi istifadəçilər bu yeniliyi artıq əldə ediblər. Bütün istifadəçilər üçün isə o, yaxın aylar ərzində aktivləşə bilər.
