Meta şirkəti mətn formatında təsvirlər əsasında fotolar tərtib edən servisi təqdim edib
11.12.2023 / Maraqlı məlumatlar
Meta şirkəti mətn formatında təsvirlər əsasında fotoların tərtibatını reallaşdıran süni zəka servisini təqdim edib. Təqdim edilmiş bu servis Imagine with Meta adını əldə edib. Servis tamamilə pulsuzdur və o, fotoların tərtibatı üçün nəzərdə tutulmuş Emu adlı süni zəka modeli əsasında çalışır. İstifadəçilər Imagine with Meta-dan istifadə edərək yüksək keyfiyyətli fotoları yarada bilərlər. Yaxın zamanda isə sözügedən servis tərtib edilən fotolara xüsusi şəffaf işarə əlavə etməyə başlayacaq. Həmin şəffaf işarə bu və ya digər fotonun məhz süni zəka tərəfindən tərtib edildiyini əks etdirəcək. Imagine with Meta servisi ilə bu linkdən tanış olmaq olar. Servis hələ ki, ABŞ-da çalışır.
