Vilnüsda Avropa Birliyinin EU4Digital təşəbbüsü ilə elektron ticarət üzrə ilk seminarı keçirilmişdir

16.12.2016 / Xəbərlər

İdarəetmə Sistemləri İnstitutunun Xarici Əlaqələr və İnnovasiya şöbəsinin müdiri, Avropa Birliyinin "Horizon-2020" Elmi Tədqiqat və İnnovasiya Çərçivə proqramının Azərbaycanda İKT və FET-in (Gələcəyin Qabaqcıl Texnologiyaları) milli təmsilçisi və HDM üzrə ələqələndirici şəxs Tofiq Babayev və Azərbaycan Gömrük Komitəsi Fəaliyyətinin Qiymətləndirilməsi və İnkişaf Proqramları Baş İdarəsi rəisinin birinci müavini Anar Süleymanov 15-16 dekabr Litvanın Vilnüs şəhərində 1-ci EU4Digital: elektron ticarət üzrə seminarda iştrak etmişdilər. Bu seminar AB-nin HDM təşəbbüsünün 2-ci panel iclasında (2nd HDM panel) təklif edilmişdir. EU4Digital şəbəkəsi Şərqi Tərəfdaşlıq və AB-nin partnyorları arasında kiçik və orta sahibkarlar üçün "eketron ticarət”, "elektron gömrük”, "elektron logistika”, rəqəmsal nəqliyyat dəhlizləri sahələri üzrə əməkdaşlıq və elektron ticarət əməliyyatları ücün təşviqi məkan yaradılmışdır.

İki günlük seminarın əsas məqsədi EU4Digital şəbəkəsində müvafiq sənədlərin hazırlanmasına və müzakirəsinə həsr edilmişdir. T. Babayev və A.Süleymanov elektron ticarət üzrə əməkdaşlıq protokolu, 2017-ci il üçün görüləcək işlərinin yol xaritəsi müzakirələrində iştrak etdilər.

Seminarın nəticəsi olaraq:
1. Elektron ticarət iş planı;
2. EU4Digital şəbəkəsinin iştrakçıları üçün electron ticarət protokolu;
3. Elektron ticarət sahəsində 2017-ci ilin I yarısında həyata keçiriləcək tədqiqatın texniki tapşırığı hazırlandı.