Azərbaycanda telefon rabitəsinin yaradılmasının 135 illiyi ilə əlaqədar keçirilən müsabiqə

16.12.2016 / Xəbərlər

16 dekabrda Rabitə və Yüksək Texnologiyalar Nazirliyində  rabitə və informasiya texnologiyaları sahəsi işçilərinin peşə bayramı – Azərbaycanda telefon rabitəsinin yaradılmasının 135   illiyi  ilə əlaqədar keçirilən müsabiqə və qaliblərin təltifetmə mərasimi keçirilmişdir.

Tədbir çərçivəsində  "İKT üzrə ən yaxşı kitab”, "İKT üzrə ən yaxşı elmi məqalə”nin müəyyənləşdirilməsi üçün keçirilən  müsabiqənin qalibləri mükafatlandırılıb.

"İKT üzrə ən yaxşı elmi məqalə” nominasiyası üzrə birinci yerin qalibi  Azərbaycan Milli Elmlər Akademiyasının İdarəetmə Sistemləri İnstitutunun əməkdaşı Nərmin Rzayeva, ikinci yerə layiq görülənlərdən biri isə AMEA-nın müxbir üzvü, İdarəetmə Sistemləri İnstitutunun "Teletrafik nəzəriyyəsi” laboratoriyasının rəhbəri, texnika elmləri doktoru, profesor Ağasi Məlikov olmuşdur.

"İKT üzrə ən yaxşı kitab” nominasiyası üzrə birinci yerə "İntellektual diaqnostika sistemləri” kitabının müəllifi, texnika üzrə fəlsəfə doktoru, dosent Namiq Əliyev layiq görülmüşdür.

Sonda qaliblərlə xatirə fotosu çəkilmişdir.