Google Play üzərindən cihazlardakı tətbiqləri distant şəkildə silmək mümkün olacaq
22.12.2023 / Maraqlı məlumatlar
Google şirkəti özünün tətbiqlər mağazası olan Google Play-i 38.8 versiyasına kimi yeniləyib. Yenilənmə çərçivəsində Google Play-ə yeni faydalı funksiya əlavə edilib. Söhbət, istifadəçinin bütün cihazlarından tətbiqləri distant şəkildə silə bilməsi funksiyasından gedir. Bu funksiya əsasən bir Google hesabına qoşulu olan çoxlu sayda cihaza sahib istifadəçilər üçün faydalı olacaq.
Yenilənmiş Google Play-də sözügedən funksiyanı “Manage apps and device” bölməsində aşkar etmək olar. Bu bölməyə keçid edəndən sonra Manage bəndini seçmək lazımdır. Manage bəndini seçəndən sonra istifadəçinin bütün cihazlarının siyahısı və həmin cihazlara quraşdırılmış tətbiqlər əks olunacaqlar. İstifadəçi öz istəyinə uyğun olaraq cihazlarındakı tətbiqləri bu siyahı vasitəsilə silə biləcək. Sözügedən yenilənmə tədricən istifadəyə verildiyi üçün hamıda aktiv olmaya bilər.
