ChatGPT-ni səsli köməkçiyə çevirmək mümkün olacaq
09.01.2024 / Maraqlı məlumatlar
ChatGPT öz yeni funksiyası sayəsində yaxın zamanda Google Assistant və Siri kimi səsli köməkçiləri geridə qoya bilər. Belə ki, ChatGPT-nin mobil tətbiqində çat-botun səsli köməkçiyə çevrilməsinə işarə edən kod sətri aşkar edilib. Sözügedən funksiya hələ hazırlanma mərhələsindədir. Məlumatda qeyd edilib ki, yeni funksiya sayəsində ChatGPT-ni Google Assistant və Siri kimi işə salmaq mümkün olacaq. Bununla belə səsli köməkçini aktivləşdirmək üçün xüsusi sözün istifadə edilməsi nəzərdə tutulmayıb.
