Bill Gates "insanları çipləşdirmək" kimi bir plana sahib olmadığını bildirib
29.01.2024 / Maraqlı məlumatlar
Microsoft şirkətini təsis etmiş və uzun müddət ərzində onun CEO-su vəzifəsində çalışmış Bill Gates The Rest Is Politics adlı podkastda iştirak edən zaman “insanların çipləşdirilməsi” adlı məşhur konspirologiya nəzəriyyəsi ilə bağlı fikirlərini səsləndirib. Onun sözlərinə əsasən insanların çipləşdirilməsi heç zaman onun planlarına daxil olmayıb. Qeyd etmək lazımdır ki, son bir neçə ildə internetdə yayılmış konspirologiya nəzəriyyəsinə əsasən Bill Gates insanların kütləvi şəkildə çipləşdirilməsinə nail olmaq istəyir. Gates həmçinin podkast çərçivəsində insanların COVID-19 vaksinləri üzərindən çipləşdirilməsinə dair olan konspirologiya nəzəriyyəsinin də ona edildiyi ilə bağlı zarafat edib. Onun sözlərinə əsasən bəzən küçədə gəzərkən qadınlar və kişilər ona yaxınlaşaraq onu bu mövzularda ittiham edirlər.
