AMEA-nın daha üç institutunun əməkdaşları “Vikipediya” mövzusunda təlimatlandırılır

12.07.2016 / Xəbərlər

AMEA Mərkəzi Elmi Kitabxanasında  AMEA-nın elmi bölmələri, institut, təşkilat və elmi mərkəzləri üçün "Vikipediya” mövzusunda təlimlər davam edir.

11 iyul tarixindən etibarən MEK-də AMEA-nın  İdarəetmə Sistemləri, Folklor və Fiziologiya İnstitutlarının əməkdaşları üçün təlimlər keçirilir. MEK-in təşkilatçılığı ilə "Smart room” zalında baş tutan təlimlərin hər gün 2 saat olmaqla 2 növbəli keçirilməsi nəzərdə tutulmuşdur.

Qeyd edək ki, Mərkəzi Elmi Kitabxananın təşkilati dəstəyi ilə AMEA-nın 15 institutunun əməkdaşları "Vikipediya” mövzusunda təlimatlandırılıb.