Yupiterin peyki İonun yeni fotoları təqdim edilib
12.02.2024 / Maraqlı məlumatlar
NASA-nın Juno adlı kosmik aparatı Günəş sisteminin ən yüksək vulkanik aktivliyinə sahib obyektinin yeni fotolarını göndərib. Söhbət, Yupiter-in peyki İodan gedir. Qeyd etmək lazımdır ki, Juno bu kosmik cismi 2016-cı ildən müşahidə edir. Yeni fotolar 3 fevral tarixində çəkilib. Fotoların çəkilişi zamanı kosmik aparat İo-dan 1500 km aralıda olub. Fotolardan birində İo-nun səthindəki vulkanik aktivliklər nəticəsində kosmosa ifraz edilən vulkanik tullantıları görmək olar. NASA-nın sözlərinə əsasən bu, bir-birinə yaxın yerləşən iki vulkanın aktiv fəaliyyəti ilə əlaqəlidir. Qeyd etmək lazımdır ki, İonun səthində 400 aktiv vulkan mövcuddur.
