Kibernetika İnstitutunun "Beynəlxalq əlaqələr və innovasiya” şöbəsinin rəhbəri Tofiq Babayev və institutun aparici elmi işçisi Fərhad Paşayev 14-18 oktyabr 2012-ci ildə Dubayda keçirilən «ITU Word Telecom 2012» Beynəlxalq konfrans-sərgidə iştirak etmişlər. AMEA-nın Kibernetika İnstitutu Azərbaycan Respublikasının pavilyonunda ayrıca stendlə təmsil olunmuşdur. Sərgi zamanı ziyarətçilər Kibernetika İnstitutunun əsas elmi istiqamətləri ilə tanış olmuşlar və onlara, Rabitə və İnformasiya Texnologiyaları Nazirliyi ilə birlikdə istismarı dayandırılmış neft quyularından istifadə etməklə yaradılmış anomal seysmik proseslərin robast Noise monitorinq stansiyaları (RNM ASP Station) layihəsi nümayiş etdirilmişdir.