Windows-dakı Photos tətbiqi üçün süni zəka funksiyası təqdim edilib
26.02.2024 / Maraqlı məlumatlar
Microsoft şirkəti Windows 10 və Windows 11-də olan Photos tətbiqi üçün Generative erase adlı süni zəka funksiyasını təqdim edib. Bu funksiya fotodakı elementləri süni zəka vasitəsilə aradan qaldırmaq imkanını verir. Microsoft bildirib ki, Generative erase funksiyası bu və ya digər fotonun fonunda olan insan və əşyalar kimi obyektləri aradan qaldıra bilir. Photos tətbiqində sözügedən funksiyadan istifadə etmək üçün erase rejiminə keçid etmək və daha sonra fotodakı silinməli olan obyektləri seçmək lazımdır. Obyektlər seçiləndən sonra süni zəka onları avtomatik olaraq ümumi fon ilə əvəz edəcək. Hal-hazırda Generative erase funksiyası test mərhələsindədir. Müəyyən müddətdən sonra isə o, hamı üçün istifadəyə verilməlidir.
